Kritika, No es tan fácil

Seguruenik, uste dugun baino etxe gehiagotan gertatu den istorioa da hau. Gero eta bikote gehiago bereizten dira eta horregatik, pelikula gaur egungo errealitatearen islada dela esan dezakegu, umorezko kutsu batekin noski. Egia esanda "No es tan fácil", hori baino askoz originalagoa da, urte askotan zehar dibortziatuak egon ondoren bi pertsonen artean berriro ere zerbait piztearen ondorioz sortzen diren egoerak kontatzen baititu.

2.ataza, audiopresentazioa

Kritika, el baile de la victoria

Soilik pelikula ikusiz gero ulertu dezakezue izenburuarekin egiten den hitz-jokoa. Istorio tristea kutsu dibertigarri batekin. Drama honetan espetxetik atera berri diren bi lapurren bizipenak kontatzen dira. Filme honek bi muturretako jarrerak sortu ditzake: asko gustatzea posible da baita zineman lotan geratzea ere.

Kritika, Hermandad de sangre

"Sé lo que hicisteis el último verano" pelikularen kopia txarra ikusi nahi baldin baduzue zinemara joan eta filme hau ikustera sartu zaitezte. Pelikula amerikarren gidoi kutrea jarraitzen du. Humore beltza eta beldurra nahasten ditu errealitatearengandik aldenduz.

Kritika, Celda 211

Zenbat alditan ikusi dugu pelikula bat zeinetan protagonistaren bizitza perfektua izatetik infernu bat izatera pasatzen den? Askotan ezta? Hau da zinema egileek gehien gustoko duten gaietariko bat. Aitortu behar dut horixe bera dela filme honen argumentua. Hau jakinda egia da pelikula honek ez duela inolako erakargarririk. Hala ere, ziurtatzen dizuet nahiz eta aipatutako oinarri ez oso originala eduki, filme hau oso adierazkorra eta berezia dela. 2009.urteko altxor zinematografikotzat hartu dute jada askok.

Kritika, 2012

"Munduaren amaiera" ez da argumentu oso originala. Askotan egin dira gai honi buruzko filmak. Hala ere, "2012" bezalakoa inoiz ikusi ez duzuela ziurtatzen dizuet. Imaginatu kontinente oso baten urperaketaren momentuko irudi harrigarriak. Teknologia berrienak erabilita lortutako paisaiak edonoren arreta deitzeko modukoak dira.

Kritika, Luna nueva

"Crepúsculo" sagako bigarren filme honetan, banpiroen mundua ia guztiz alde batera utzi eta protagonisten amodiozko istorioari buruz aritzen dira gehien bat. Horrela jarraitzekotan, baliteke hirugarren pelikulan saga hau berezia izatea egiten duena (banpiro eta izaki berezien mundua) desagertzea eta igandero Antena3n ikusten ditudan pelikulen antzera, bikote batek bere harremanean dituen gora-beherei buruz izatea.

Kritika, Millennium 2

Gero eta ohikoagoa da "best-seller" izandako nobela bat zinemara eramatea. Pena merezi duen istorio bat modu eroso batean bizitzeko modua dela argi dago. Baina askotan ale asko saldutako abentura baten izena zikintzea baino ez dakar. Hau da Millennium 2 rekin gertatu dena. Librua irakurri ondoren zinemara joan nintzen. Filma bukatzerakoan atera nituen ondorioak: geldoegia, pertsonaien nortasunak liburuan agertzen direnekin ez datozte bat, indarrik gabekoa... hau da, idazlearen lanari balorea kentzeko modurik egokiena.

Euskarazko irratia, hizkuntza komunitateak trinkotzeko tresna

Irratia: Auzolan irratia.
Albistegia: goizeko albistegia.
Atala: Euskal Herria, kultura.
Erredaktorea: Mireia Clemente Esain.
Iraupena: 1 minutu.
Azaroaren 24an Euskarazko Komunikazio Taldeak "Hedabideak etorkizunean, biharko komunikabideak eta internet" jardunaldiak ospatu zituen Gasteizen. Euskadi irratiko Jose Luis Aizpuruak, Bilbo Hiria irratiko Xabier Monasteriok eta Euskalerria irratiko Mikel Bujandak hartu zuten parte saioetan. Komunikabide honek hizkuntza komunitateak trinkotzeko duen gaitasuna azpimarratu zuten. Internet euskarazko hedabideen arteko lankidetzaren bultzatzailetzat hartu zuten. Aizpuruk Ipar Euskal Herrian dagoen tokiko informazioaren gosea azpimarratu zuen. Arratsaldeko bostetan hainbat aditu bildu ziren World Kafean "Irratigintza Internet aroan" gaiari buruz aritzeko. Irratiaren oraina uhinetan dagoela adierazi zuten. Eta irrati libre edo komunitarioek duten toki eskasa salatu zuten.

Beskoitzeko Heskuarari buruzko liburuaren aurkezpena

Irratia: Auzolan irratia.
Albistegia: goizeko albistegia.
Erredaktorea: Mireia Clemente.
Saila: Euskal Herria, kultura.
Iraupena: 20 segundu.

Duhauk,iparraldeko idazleak,Beskoitzeko euskarari buruzko "Hasian hasi" liburu berria argitaratu du. Herri honen herritarren bizimodua kontatzen du liburuak. Hilabete honetako 16an goizeko hamabietan izango da lan berriaren aurkezpena.

Hamar zauritu egon dira futbol armailetan

Irratia: Auzolan irratia.
Albistegia: goizeko albistegia.
Erredaktorea: Mireia Clemente.
Saila: Euskal Herria, harian.
Iraupena: 25 segundu.

((booooomm!)hasierako audio gaga))

18 eta 19 urteetako bi hintxa holandarrek 15 pertsona zauritu zituzten leherkari baten ondorioz.Ajax eta Feyenoorden arteko partiduan gertatu zen. Estadioko seguritate neurri ugariek ez zuten ezer aurreikusi. Epaileak hamar hilabetetako gartzela zigorra ezarri die eta hamar zaurituei indemnizazioa ematea agindu die.

Beste aurrerapausu faltsu bat

Urriaren 16an ONUko Giza Eskubideen kontseiluak Goldstone informea onartu zuen. Informe honetan abendua eta urtarrila artean Gazan gertatutako erasoaldi militarraren ondorioz, Hamas eta Israel giza eskubideen kontrako krimenak salatzen dira. Kontseilua sortzen duten 47 estatutik 25ek onartu zuten informearen edukia. AEBek, espero zen bezala, ez zioten Goldstoniri baietzarik eman , modu arinegian hartutako erabakia zelaren aitzakia jarri baitzuten. Bestalde, Israelek Hamas informean ia ez ateratzeak sortzen zion desadostasuna adierazi zuen. Nire aldetik, aipatu beharra dut Israelek hartu duen jarrerarekin ez nagoela batere ados, eta zer esanik ez AEBek hartu dutenarekin. Ez al zaio Israeli jadanik gehiegi barkatu? Oroitu beharra dago erasoaldi horretan 10 israeldar hil zirela eta erahildako palestinarrak berriz, 1400 izan zirela. Noski, guztiok dakigu herritar soilak direla gerra hau gehien jasaten ari direnak. Ez dut uste beharrezkoa denik oroitaraztea zeintzuk diren etxerik gabe, eskubiderik gabe, lurrik gabe geratzen ari direnak. Hala eta guztiz ere, Israelek mutur nahikoa du inoiz baino ezbidezkoagoa den gerra honen ondorioak aurrean izanda bere burua defendatseko. Espero dut giza eskubideen defentsa teoria soilan ez geratzea eta kasu honetan praktikara erematea. Utzi ditzaten estatu ezberdinek haien nahiak alde batean eta behingoz benetan eskubideen alde joka dezaten. ONUko Segurtasun Kontseiluak eraman dezala guztion eskubideak zapaldu dituena epailearen aurrera.